差不多有一個月沒寫散文了。若問我原因，就只能說：近來真的倦了。
可能係轉季啦！近來暖中帶濕的感覺，令我不自覺回想起上年的這個時候，剛好就是「會考月」的開始。
縱然會考已過了接近一年，腦海中仍清楚記得當時的每個情景、心情。那時真是活在壓力之下，但生活始終是那麼單純簡單－－All you have to consider is how to prepare for CE!
呢幾日，發生了一些唔太開心的事－－激嬲咗個friend，錯全在我... 本來激嬲他人並無什麼不妥，只要對得住自己就OK。但今次，都覺得自己好可恥。
可能問題始終出在自己－－心中總有一份莫名的「正義感」，唔能夠令我安然面對自己醜惡一面。呢幾日的唔開心，可能同對方的感受冇什麼直接關係，只係我唔能夠面對自己。
好多時，我們都清楚知道何為錯事，亦清楚犯錯的後果－－但就係唔能夠避免，當你未犯錯之前。犯錯之後再做補救，其他人覺得奇怪，或者覺得我太偽善。我為的卻唔係令對方原諒自己，當我開始犯錯的時候就沒有奢望過對方原諒；可能始終都係那一份「正義感」，我為的可能都只係自己。
要努力面對，每一個明天。我冇想過未來會點，對於明年就要高考的我，這可能是空虛的其一原因。我只希望，自己能夠走一條正確的路。那大概就是，這一個月來的體會。
