[高考放榜後] 灰色嘅世界

講得返嘢，但唔等於情況已經改善。應該可以話係無計可施，而家真正等死啩...

世界再一次變成灰色，大家仍然徬徨。而我當然唔可以以局外人嘅身份去睇，今次認真大鑊...

曾經好開心咁一齊度過，但而家就要各自各擔心、各自各徬徨。時間過得實在太快，改變亦太多，我哋可以點？

睇返個師兄嘅放榜日記，感覺大家昔日嘅頹習相若，但出嚟嘅result就差天共地。唔通我哋真係咁冇用？

唉... 擔心自己都未嚟得切，又聽到個個話要離開香港，感覺更灰...

望住窗外炎熱而昏暗嘅街道，我只知道今日嘅世界已經唔一樣。雖然預咗有呢一日，但劇變都真係太難接受...

一年前，我嘻嘻哈哈咁睇住溫布頓決賽。雖然炎暑，但仍然輕鬆簡單。

一年後，即係今日，溫布頓今晚決賽，但係我考慮緊嘅，仲係點樣轉choice。而且把握仍然唔大...

唉... 講住咁多先。唔識睇廣東話嘅，在此致歉...