又一年溫布頓20050703
今晚又是溫布頓決賽。
記得兩年前溫布頓決賽，我放了AL result後正煩惱如何在JUPAS調位，因為成績實在太危危乎。
上年溫布頓決賽，正是AL放榜前夕，不過我總算是比上一次有信心。
今年溫布頓決賽，女單已由「大威」勝出，男單大概會是費達拿吧。而我就仍是個學生，準備升year 2。
在這個平靜的夏夜，總覺得時間過得很快。
前往留言 »猿人爭霸戰!20040704
不是Planet of the Apes，講的是剛打完了的溫布頓女單決賽。
過往幾年的溫布頓女單決賽，都是由極之粗獷的威廉斯姊妹花對打。
基本上無甚睇頭，因為看著兩位極之健碩而充滿男人味的姊妹對打，不是什麼樂事。
今年決賽未開波，大家已眼前一亮。
十七歲的俄羅斯美少女Sharapova舒拉普娃晉身決賽，一臉青春的面對著已連贏兩年的「細威」，我的第一個感覺是人類與猿人之戰！
（以上純為開玩笑式的個人感覺，請各位威廉斯fans萬勿見怪。）
坦白說，我並不特別喜歡看網球賽，電視不播的話我連結果也懶得去知道。
我不懂打網球，也不懂什麼網球技巧，對網球手也只懂得最出名的那幾位。
但不能否認我很喜歡看著在網球場上，雙方球來球往的那份刺激感；球員之間的戰意和技巧之戰，在deuce的上上落落中最扣人心弦。
比賽一開始，舒拉普娃的攻勢很凌厲，直落六比一贏了一盤。
難道今次是「人類出頭天」？我心裡暗叫。不過猿人體力比較好，後來居上也很有可能。
不過若舒拉真的贏了，將會一洗溫布頓由威廉斯姊妹花包辦的局面呢！今次的女單決賽的確緊張呀。
結局出人意表，舒拉竟然兩盤連贏，我起初還以為會打三盤後細威佔優地勝出。
雖然我對網球一竅不通，但也覺得細威今次的信心動搖了，打起來沒以往那麼狠。
而紮起一條馬尾的舒拉普娃本來已叫人賞心悅目，在面對強敵時緊張中仍保持淡定，比賽結束的一剎那很叫人感動呢。
坦白說，我無意要以貌取人地嘲笑粗獷的女人。若以上的玩笑冒犯到任何人，在此向他們道歉。
她們兩人專業的運動精神與比賽態度都絕對值得欣賞。
舒拉普娃勝而不驕，很理想；細威敗卻不餒，更令人敬佩和值得學習呀。
明天就是男單決賽，費迪拿對洛迪克。不知戰況又會如何呢？
前往留言 »灰色既世界20030705
講得番野…但唔等於情況已經改善…
應該可以話係無計可施…而家真正等死卦…
世界再一次變成灰色
大家仍然徬徨
而我當然唔可以以局外人既身份去睇
今次認真大鑊
曾經好開心咁一齊度過
但而家就要各自各擔心…各自各徬徨
時間過得實在太快
改變亦太多
我地可以點?
睇番個師兄既放榜日記
感覺大家昔日既頹習相若
但出黎既RESULT就差天共地
唔同我地真係咁無用?
唉….擔心自己都未黎得切
又聽到個個話要離開香港
感覺更灰
望住窗外炎熱而昏暗既街道
只知道今日既世界已經唔一樣
雖然預左有呢一日
但係劇變都真係太難接受
一年前
我嘻嘻哈哈咁睇住溫布頓決賽
雖然炎暑,但仍然輕鬆簡單
一年後,即係今日
溫布頓今晚決賽
但係我考慮緊既,仲係點樣轉CHOICE
而且把握仍然唔大
唉…講住咁多先
唔識睇廣東話既…在此致歉
