近日工作上終於忍不住，先辭了職。
是還未找到工作，但與其說是太衝動，其實是優柔寡斷了太久。
秘書差事，地盤監工等，都是沒有滿足感的工作。但那還未算是要走的理由。
這半年來，跟合不來的老頭做事，吃了很多死貓，吃了很多屎。
軟硬兼施，不行；麻木自己，不行；據理力爭，不行。
認真去做，十之七八會在最後關頭踩到屎。不認真去做，又覺得很空虛，或者情況根本不容許你不認真做。
做對了會被罵，還沒有做錯也會被罵，依指示去做都會被罵。
是多次試過氣得快要爆炸，但從來沒有失控，辭職也不是在風頭火勢下的倉促決定。
說要在爆炸的邊緣再忍住，可能我還可以消極地忍受多五次，十次，或是二十次。
但我為什麼要這樣去過活？
前往留言 »要親手放棄自己一直渴望既野,原來係咁痛苦…
自問由細到大,真正渴望得到既野唔多;因為我係個無乜所謂既人.你問我食咖喱飯定日本菜,我會話無乜所謂;你問我去BBQ定踩單車,我都會話無乜所謂;因為對我黎講,好多野都真係無所謂…選擇邊樣我都中意.
但係今次,真係未試過會對一樣野咁渴望.但係,因為自己一手造成,搞到自己唔放棄,都唔得…
其實都過左幾日架喇!我都嘗試唔諗咁多,打算滿足於目前既抉擇.
但係,一行出街,睇到咁好既天氣,咁靚既夏日;反而令我覺得好痛苦,令我覺得失去左少少生存既意義;點解一件本來O係能力範圍內既事,要搞到而家一定要親手放棄;只係差少少,但就係差少少,一定要放棄…
坦白講,O係屋企果陣都OK.但係真係一行出街,就覺得世界褪左色,O係大家都開心既炎炎夏日中,我會覺得後悔,後悔自己無曾經努力去捉緊,因為當初對呢件事無任何渴望,亦認為唔需要”捉”都已經”緊”.
雖然我仍然大踏步,抬高頭向前行;但我知道係有遺憾,起碼知道責任全都在於自己.
亦坦白講,其實我唔需要做到放棄,我可以搏一搏.但係我知道今舖太大,玩唔起;我唔可以好似其他人咁瀟灑去搏一舖,我有我既顧慮.
所以,我同自己講唔可以後悔,就算事後證明搏得過.但如果真係搏得過的話,我一定會後悔,好後悔.後悔自己點解當初咁無膽,唔搏就放棄.
另一方面,我又唔想個結果係搏唔過,因為咁代表我而家既選擇都有好大風險.我唔想再徬徨.
咁當然,我好希望目前既選擇係正確,可以如願.對於自己親手放棄左既野,我只可以話同佢無緣啦!
我只可以安慰自己”塞翁失馬,焉知非福”.或者我一直渴望既無自己想像中咁好,又或者目前既選擇個TURN OUT都會好好.WHO KNOWS?
目前唯一可做既,又真係只有等待囉!可能幾年之後,我會對選擇左D乜完全唔介懷;但係我唔會忘記我呢一刻既心情,我知道左凡事都要目光長遠D,唔可以一直諗住”船到橋頭自然直”;我都會有自己介懷,有所謂既事.
