Days of Immaturity

秋意漸濃，忽然有種很需要fantasy story的感覺。
怎麼樣的fantasy？當然是Lord of the Rings那種最好了。
雖然三部曲的旅程已完結，但今個冬天會推出最後一部的加長版；這次會有約二百五十分鐘的內容呢。超過四小時，絕對值得期待。
記得上年聖誕播放的戲院版只有三個多小時，個人一直認為「時間過短」是最終曲的不足之處，雖然大部份人已覺得三小時長得很。

以前秋意一到，只會令我憑空生出愁善感，無根無據地慨嘆一番。
現在的感覺是有點懷念中學時，那種每天有規律地和同學們一起上堂食晏玩樂的生活。
我和大部份朋友都由中四同班到中七，習慣了日日見面，總覺得幾年時間不會那麼快過去。
以前沒想過中學畢業後大家會變成怎樣。現在他們都不再是我的同學，但那種更加了解，更加熟悉的朋友感覺真的很好，很微妙。

昨天雙十是媽的生日，一家人晚上去Pizza Hut算是慶祝。
一邊吃，店內一邊播放著Reality，Unchained Melody等懷舊情歌，想不到原來吃Pizza Hut也可以有情調，氣氛方面算有驚喜。
想來我也有一堆懷舊情歌collection，鎖定下次改版會以這個為主題。希望浪漫感覺會與冬天相襯，充滿氣氛的第八版將會在我sem break時誕生。

過左幾日, 個心平靜番D. 亦都知道應該要點做.
前路好難行, 而家先真正感受到原來我係一個意志咁薄弱既人.
一直以黎都覺得自己唔係咁需要其他人既支持, 以為咁就等於自己個性獨立; 其實只係以往既路一直都太平坦, 一直都太順境…
真正遇到人生既第一個大挫折既時候, 先知道自己係咁需要有人支持. 有時明知自己既選擇係正確, 但一諗到要自己一個行果陣, 又總會有D猶豫.

其實耐唔耐都會憧憬下一個人生活. 我同屋企人關係好好, 但就間中會幻想下一個人過自由既生活. 原來又係因為生活過得太舒適順意.
而家? 我總好希望屋企會有人. 我唔係要每分每秒都搵人傾計, 只要有個人晌屋企就夠, 有D人氣對我好重要.
見到屋企人為自己犧牲咁多, 一方面覺得好開心好感動, 一方面就覺得好內疚.

仲有朋友既支持都一樣重要. 以前, 我會覺得唔需要朋友既支持, 有D咩自己一個撐就OK; 始終都係因為無真正經歷過挫敗.
一向以黎, 我可以好單純咁去關心其他人, 我以為咁係因為自己份人NICE; 其實, 只係因為自己太無憂無慮, 有太多多餘既心機. 而家, 見到朋友有煩惱, 我都或者只可以簡簡單單咁畀少少ADVICE同少少祝福. 因為自身都難保.

在此, 多謝屋企人同朋友既真正支持.
原來我真係咁需要有人晌自己身邊, 尤其是係真切既精神支持.
有D眼訓喇…講住咁多先!