Days of Immaturity

放榜過了兩個星期, 終於接受了現實.
我今年無任何OFFER, 入唔到U. 本來打算報讀副學士課程, 但總覺得經NON-JUPAS上大學是比較困難和機會渺茫.
經過多番考慮, 終於也決定重讀重考. 由於不想讀夜校, 目前只決定自修.

坦言, 今次是人生的第一個挫折, 真正的挫折. 今次真係跌得好痛, 我真係好想大聲講句 “好慘!”. 不過又如何, 惡果由自己種下, 如今自己親手承受罷了; 最痛苦的莫過於令自己的父母失望, 為自己擔心. 又想起九月即將來臨, 我要開始每天到自修室溫書的生活了.
感覺很是難受呀! 一想起自己竟然沒有學校又沒有工作, 那種真正雙失的感覺真是很沉重. 以前看電視聽到雙失, 只會覺得是用來形容一些染了金髮的古惑仔, 或是一些不愛讀書不愛回家的反叛青年…
以前上學的時候很渴望放假. 現在對我來說是一年三百六十五日也是假期了, 我卻發現一個人真的不能如此生活; 這一年, 相信我也會活在雙失的陰影下, 還有要再次面對大考的壓力.

最幸運的是, 我還未失去父母的心. 縱使他們是極度失望, 絕對擔心; 但他們仍然支持我, 沒有奚落我, 放棄我. 還有朋友的心, 他們沒有給我白眼, 亦沒有因忙著大學開學而忘了我.
總之, 今次是跌得很痛, 但亦痛得很有意義.

本來預計能上大學後的計劃和期望, 現在只能再押後一年了.
這一年間, 相信網站真的不會再更新了. 當然, 我仍會到留言版看看, 仍會間中告訴大家我的近況. 總之, 前路真的不輕鬆了.

過左幾日, 個心平靜番D. 亦都知道應該要點做.
前路好難行, 而家先真正感受到原來我係一個意志咁薄弱既人.
一直以黎都覺得自己唔係咁需要其他人既支持, 以為咁就等於自己個性獨立; 其實只係以往既路一直都太平坦, 一直都太順境…
真正遇到人生既第一個大挫折既時候, 先知道自己係咁需要有人支持. 有時明知自己既選擇係正確, 但一諗到要自己一個行果陣, 又總會有D猶豫.

其實耐唔耐都會憧憬下一個人生活. 我同屋企人關係好好, 但就間中會幻想下一個人過自由既生活. 原來又係因為生活過得太舒適順意.
而家? 我總好希望屋企會有人. 我唔係要每分每秒都搵人傾計, 只要有個人晌屋企就夠, 有D人氣對我好重要.
見到屋企人為自己犧牲咁多, 一方面覺得好開心好感動, 一方面就覺得好內疚.

仲有朋友既支持都一樣重要. 以前, 我會覺得唔需要朋友既支持, 有D咩自己一個撐就OK; 始終都係因為無真正經歷過挫敗.
一向以黎, 我可以好單純咁去關心其他人, 我以為咁係因為自己份人NICE; 其實, 只係因為自己太無憂無慮, 有太多多餘既心機. 而家, 見到朋友有煩惱, 我都或者只可以簡簡單單咁畀少少ADVICE同少少祝福. 因為自身都難保.

在此, 多謝屋企人同朋友既真正支持.
原來我真係咁需要有人晌自己身邊, 尤其是係真切既精神支持.
有D眼訓喇…講住咁多先!

I woke up, but the nightmare didn’t pass away. It is not a dream.
The road ahead will be really rough and uneasy. I don’t know when will I get over it. I even don’t know if I can get what I want afterwards.
Confidence is what I lack now. So is hope.

However, “No pain, No gain”, right?
Just hope that I can really gain thru this pain. Hope that I can get over it as soon as possible.
I’ve disappointed my family. It’s shameful to face myself. It’s shameful to face the world.

今日放左榜,唔想畀人問.
等我自爆:我做左雙失.係意料之外.我好灰.但我唔會放棄.目前唔會選擇REPEAT.我決定左點做,但未實行到.我未知以後既生活會點.或者我會隱形一段時間,又或者會日日蒲頭,目前唔知.今次係缺乏左少少運氣,但我係抵死既.雖然中六中七既學習環境係奇差,但我唔會後悔呢兩年既生活,更加唔會埋怨母校;只可以講一句:我拉低左我母校既入U率.
係咁多!