試用期?!20071008
初上班的三個月被稱為「試用期」，我常以為只是名義上的事；只要你表現得安份守己，不放任胡來，任誰都可以穩過probation。我一直都這樣相信。
之前提過上班兩個月來也沒有給我什麼工作，每天只是無所事事。
上星期主管卻忽然叫我為另一件產品出圖，並說是向老闆交代我這一兩個月來做了什麼。
本來感覺「好了。始終算是有工作給我做了，雖然這些也只是像最初上班一樣，純屬自由練習性質」；但主管一邊談，一邊說到原來這是為了應付老闆和旗下的「智囊團」，讓我渡過試用期的。
產品設計部門，當沒有接到新project，而舊的又有人跟，那個時段基本上用不著新的人手。因此部門主管只是叫我有空翻閱公司過去的產品，他本身也無暇管我。這些日子以來，除了上網IM，我只好拿公司過去的產品檔案出來看看，自己跟著畫畫立體圖。
其實這間公司的流失率很低，老闆一向不主張請人。不過我所屬的部門剛剛有人辭了工，主管希望能在這空檔請人回來重新培訓。
簡單來說，就是這刻部門不需要人手，老闆也無意請人，只是我的部門主管抱著找新人來學師的心態。加上主管與老闆的關係有點惡劣，身處這環境的我也覺得有點矛盾。
一間公司不需要自己，長期以來也沒有工作，勉強找事給我做是為了應付老闆去渡過試用期。想到這裡，心裡也洩氣了，對去留與否也感到猶豫。
但正如新鮮人這篇所說，很多時候是否只是年青人欠缺耐力，遇到一點不如意就想著放棄呢？
要往壞方面想，我會想起其他同學說在這些時間來在工作上學到什麼，帶點成就感或滿足；要往好方面想，我每天都安穩坐在office裡，上班下班收人工。
當然，以上這些都不是辭職的理由。說到底，如果平淡地過了probation，大概我又會安安份份地上班，短期內不會再考慮去留。
但在這刻，人就像再次站在十字路上。
試用期?! - 11個留言 [-]
柳音花明又一村,
留在這裏是否真的無嘢做,少嘢學還是未必之數,
如今只要做好本份,
問心無愧,
結果如何也心安理得.
如果成功渡過後,
那時才想去留的問題,
而且就算覺得外面有更好的,
現在是十月,
外出好的工己經有人做了,
我想不是辭職的好時候,
無論如何,
先面對試用期的問題先,
其餘的先不要想吧!
唔~ 多謝你既意見.
呢D野同學之間無乜經驗, 家人都一樣.
有時唔知點決定, 又搵唔到人問.
我唔會主動辭職, 不過如果過唔到probation, 都唔會覺得係自己問題. (在商言商, 用唔到既人手又要出糧, 要炒都可以理解.)
最頭痛係只做左兩三個月, 就算再搵工都無優勢 (甚至可能係負面影響); 個人要求亦相對挑剔左 (想搵5日工, 地點又唔好太遠), 可能反而仲難搵. 但又唔會因為咁而更想留低.
所以有D矛盾既感覺.
視乎你想”舒服工作”還是要”每天新挑戰”, 不過普遍都是過了x’mas 或新年才轉工。
“只做左兩三個月”, 這沒有優勢或負面影響, 反而要想想這裡有沒有你想得到的東西, 以及晉昇的機會。
去或留要考慮的是:
1.你可以冒險嗎?(例如人工可能差d, 或要待業一段時間)
2.你希望第一份工就是這樣安穩?
3.家庭經濟負擔如何?
4.你習慣了這間公司的文化了嗎?
想說的是, 早些出來闖, 做出一些成績, 認識多些行內人, 對將來始終較好。
ha~ 你第一次留言喎~
多謝你既建議, 其實之前心情好差咁, 諗到咩都唔開心, 連要考慮D乜都無理到.
我會好好記住以上幾點. 就算唔係話短期內轉工, 都可以日後作為參考~ =)
我成日覺得,
最好揾到工先轉工,
點都好過留係屋企!
五日工?
這不應該是你揀工嘅要求喎,
做多啲咪學多啲,
到你做得幾年先至找份休閑少少的吧!
係我太鑽牛角尖啦. 之前幾日心情又差, 所以諗乜都好灰咁.
今日好返D啦. 無咁一味想住轉工.
可以的話, 做返半年, 一年, 或者再耐D, 先考慮有乜計劃.
至於個5日工, 應該係10.1個假期放到上左癮.
果次係我返工以來第一次連續有2日(半)時間休息, 試過一次後就覺得人地5天工作週可以個個星期咁樣放 (加埋而家好似越黎越多公司推行5天制); 自己返呢份好唔抵咁, 又要每日超過2個鐘車程, 無晒時間…
總之又係鑽牛角尖啦.
唔知係咪自己岩岩做打工仔, 總會有時覺得返工無乜野, 但有時又覺得想轉工.
唔知幾時先可以心定落黎~
唔好諗咁多喇！
過咗試用期再等過年，之後想走先搵啦！
好似新鮮咁講過試用咗先再諗去留 :)
唔~ 聽到既都係話要走都等埋過年, 我諗而家都唔好再三心兩意.
始終情況又唔係真係咁差, 只係自己心野, 成日想四圍試. 做返一段時間先, 起碼之後都有返D”渣拿”.
咁樣諗個心都會舒服啲 :)
我覺得做任何野都好
最緊要自己個心舒服
同時又唔好傷害到人:)
又或者令自己覺得舒服D~
好多野都有兩睇, 要心灰睇野, 乜都搵到缺點.
我要學識好好控制下自己既情緒~ =)