買了4000元的NDSL?!

Nintendo DS Lite 黑色

之前提過入手了NDSL,我也成為近日全城打機熱潮的一份子。但不說不知的,是這玩意花了我HKD 4,000以上才得到。花錢去買教訓,這是金額最高的一次。

膽粗粗的交易

話說DS熱潮自農曆新年後已開始「決堤」,身邊盡見孖寶賽車戰,連我也有點心動。三月時和朋友去了解過價錢,市價大概HKD 1,500左右;之後隨口跟同學說起,很快就有另一個同學表示他有朋友賣電子產品,能比市價低HKD 200-300買到,只要等三個星期左右就可以。

我一向也很小心眼,從不信任這種「託人買」的交易;不過那同學平日表現老實,我心想不會一試就「領嘢」吧。因此三月尾時膽粗粗地替自己和朋友跟他買了兩部,很爽快地付了HKD 2,500。

一試就「領嘢」

三星期的等待,由不太熱衷變得很渴望得到,情況卻不樂觀。那同學的情報每星期都在變,而且四五個星期過去了也沒有確實來貨的消息。不過也有其他同學跟他買了不少,我因此叫自己不要擔心。

可惜「信任」在今時今日也overrated了,從三月底付錢至今的這兩個月間什麼也沒收到。曾要求過對方退錢,他口頭說可以卻其實一直在拖。

但我知道自己無論如何也會買入NDSL,因此即使被騙了二千多元後還是肯再掏錢,出去正正當當的購入一部。至於先前替朋友買的錢,當然不用他「還」給我了;交易是我做的,後果如何也不應由他人承擔。

只好阿Q精神

但心中總有不甘。我平日慳儉得滴水不漏(甚至吃飯看著menu時也會為了幾元之差而考慮),一直以來也不相信人,誰知一時大意就損失二千多元了。

「It’s not the person that I trust. It’s the humanity.」我最初是以這個想法去做交易,但始終還是讓我失望了。Integrity的「無價」,也可指是完全不值錢的意思。說到底人只能學習如何保護自己。

還是媽的態度最豁達,一早已叫我把這件事看成用錢買的教訓,還在我生日時給了我HKD 1,000,把這部NDSL當是她送的禮物。

總之,錢付出了,NDSL也到手了。雖然當中有些轉折,現在拿在手上也玩得很開心啊。

[後記] 2007年6月18日: 考試後跟其他同學問起,原來有部分人已拿回款項了;只是你不去追,他也不會主動去還。最終我也追回全數HKD 2,500,彼此總算無拖無欠。

Oscar

香港人,八十後。中五會考後學人寫網頁、寫文字,記下生活大小事。

更多相關文章 »

  • 咁積喺你畀人嗰二千蚊嘅nds有無著落呀?
    你玩緊嗰部是不是自己另外再買架?

    • 無著落呀… 初初等左成個月都一直話未有未有
      然後我話退錢佢又一直拖到而家都無下文

      所以我o係等左一個月左右(4月尾), 就同個friend出去D舖頭正正當當咁去另外買

  • 你記得我都跟你說過我也是叫人買嗎? 那我比你好彩了, 機我也是拿不到, 但我的朋友幫我取回了錢.

    >Integrity的無價,也可指是完全不值錢的意思。

    人本為善, 又不是每個人都是一樣, 我都有被人騙過, 而那次不論金錢或信心上都受傷, 不過我覺得唔應該就這樣而失去對人的信心 :)

    Hey, 想問NDS跟NDSL有甚麼分別呀?

    • 係呀, 之前都提過.
      咁睇黎託人買野始終信唔過.
      其實又唔係話人性本惡, 但我學識有乜交易都唔係單憑一個”信”字.
      出黎買野就算十蚊八蚊都要拎單據, 口頭交易真係唔能夠再相信. 唔能夠話”唔會一次就領野卦”, 點知就真係中招.

      NDSL既L係Lite, 即係機身改良左既NDS.
      詳細分別可以睇下呢個主題既第4個post.
      http://www18.discuss.com.hk/viewthread.php?tid=3601998&extra=page%3D1

  • 但喺無奶由就咁就算架,
    咁樣佢咪好過去搶,
    一定要佢還呀,
    唔喺就報警,
    唔喺下次又有其他人中招,
    告唔告得入又另一件事嘛!
    再唔喺就唱衰佢,
    你知blog嘅威力都幾大架!

    • 我平日咁慳儉, 咁樣畀人呃左二千幾其實都心有不甘.
      我會嘗試攞番D錢, 但錢始終o係對方手上, 唔肯定可唔可以攞得番. 總之人心險惡.

  • Sam

    你那朋友為二千蚊黎出賣自己人格~ 值得嗎?

    • 唔係要事後小人, 但佢由始至終都只係普通同學

      o係佢立場黎講, 做中間人進行交易搞到一鑊泡, 錯不在佢 (假設佢真係完全只擔當中間人角色)
      但事後無任何跟進, 無意思承擔任何責任, 坦白講佢o係我心目中已經無晒誠信
      如果唔係其他同樣領野既同學態度柔軟, 加埋大家一場同學, 我一早搵埋佢地去報警

      不過相信短期內再拎唔番D錢的話我都會報警
      我唔係開善堂, 就算係我都寧願將D錢損畀有需要既人