外勤量度室溫的輕鬆: 漫步灣仔

灣仔一角

外勤地點是灣仔的政府大樓(這裡只是午飯時閒逛過來的…)

承上篇,今次說說出外工作的輕鬆。

獨自外勤會很無趣吧?!

記得起初得悉要獨自外出做survey時,心裡不太願意,有點希望能跟同組的intern一起去。可是工作安排由陰笑小薯決定,並且不會如我們所願。

其實要到四十多層的政府大樓量度室溫,幾個人一起不是更快嗎?陰笑小薯只管瞇著眼,笑著說:「嘿!使乜咁快完成吖。不過你哋做唔完的話要由我嚟做咋嘛!」

結果我們就每天輪流外出,由七月中到八月尾。初時還以為一個人工作會很沉悶,不及在辦公室跟朋友有講有笑般開心。真正做過,才知道原來這的確是優差。

灣仔運動場附近

灣仔運動場附近,相當恬靜

自由安排一天流程

詳細情況就不在此畫出腸了,總之獨自外出工作就是很自由。首先是不用回office、直接出發,所以上班時間間接是由自己決定;同時沒有人監督著工作,食lunch不想跟人迫也可以早點出去。

而這幾次的午飯時間,都去了灣仔運動場一帶,不禁想起以前中學時每年一度的運動會呢。那邊跟步伐緊張的灣仔鬧市很不同,環境很悠閒。

Hardee's香港

在Hardee’s撤出香港前再多吃一兩次吧

另外,為免再有「Wendy’s的遺憾」(只吃了一次就在全港消失),這幾次外勤的lunch time我也去了全港只剩寥寥數間的Hardee’s哈迪斯呀!(其實以味道和價錢來說,Hardee’s會漸漸消失也不讓人意外,不過我始終想多吃幾次吧。)

或者是我平日做事太鬆散,這些日子以來要獨自外勤、自行決定整日流程,感覺十分新鮮啊。在節奏緊張的工作天,身處繁忙的灣仔區;同為上班族的我,竟然能像「局外人」般輕鬆閒逛。這應該是今次暑期實習中,最平淡但難忘的時光了。

Oscar

香港人,八十後。中五會考後學人寫網頁、寫文字,記下生活大小事。

更多相關文章 »

  • so man

    hey u got tagged !! go to my xanga n see how to play !!

  • 果然係優差,
    真喎!
    不過長期日日係咁都幾悶架!
    好似孤兒仔!

  • so man,
    近排仲有其他文章排住隊寫緊, 遲D先回tag~

    新鮮人,
    真係幾似孤兒仔架…
    一個人漫無目的o係灣仔四圍行
    不過一個星期只係出兩日, 而且個period上星期完左喇~
    聽日就係我最後一日返工了!!! (超開心!!!)

  • Hardee’s 其實好好食
    特別係佢既熱狗
    但係炸雞就真係多油到呢…

    另一間好快應該唔見曬既係Jollibee

  • D包同熱狗都唔錯, 之前仲有隻芝士薯波都很正啊!
    但炸雞同意粉就麻麻地, 都係食完D炸雞後開始減分…

    其實一個包加薯圈既餐幾好食, 但以個價錢黎講D包又好似細左D (挑剔 lol)
    至於熱狗呢~ 九龍灣間宜家都有隻味道類似既熱狗呀 (個人感覺類似…)

    Jollibee我中意佢個祖樂堡呀~ D意粉都唔錯~
    以前旺角果間未執都成日食
    不過而家好似淨番中環果間, 好多菲傭迫, 所以幾乎無再食lu…