影相

令人懷念的中學校園

中學生活已成過去

今日屋苑有優惠價影證件相嘅活動,九蚊一打相。落到去見到好多人排緊隊。

雖然學生佔少數,但見到要著校服影相嘅學生,就總有啲感慨… 話晒上年自己都仍然係學生,過住平凡一星期五日、著校服嘅中學生生活。咁快又告一段落喇!

仲有10個鐘度就放榜,真係非常緊張呀!坦白講,比中五放榜重更緊張;始終嗰陣都知道自己肯定可以讀到中六,問題只係回唔回到巢啫。

今次唔同喇,分分鐘變雙失絕對唔係講笑。今晚要早啲瞓,聽朝要即刻彈起身睇成績先得!

Oscar

香港人,八十後。中五會考後學人寫網頁、寫文字,記下生活大小事。

更多相關文章 »