[高考放榜後] 灰色嘅世界

講得返嘢,但唔等於情況已經改善。應該可以話係無計可施,而家真正等死啩…

世界再一次變成灰色,大家仍然徬徨。而我當然唔可以以局外人嘅身份去睇,今次認真大鑊…

曾經好開心咁一齊度過,但而家就要各自各擔心、各自各徬徨。時間過得實在太快,改變亦太多,我哋可以點?

睇返個師兄嘅放榜日記,感覺大家昔日嘅頹習相若,但出嚟嘅result就差天共地。唔同我哋真係咁冇用?

唉… 擔心自己都未嚟得切,又聽到個個話要離開香港,感覺更灰…

望住窗外炎熱而昏暗嘅街道,只知道今日嘅世界已經唔一樣。雖然預咗有呢一日,但係劇變都真係太難接受…

一年前,我嘻嘻哈哈咁睇住溫布頓決賽。雖然炎暑,但仍然輕鬆簡單。

一年後,即係今日,溫布頓今晚決賽,但係我考慮緊嘅,仲係點樣轉choice。而且把握仍然唔大…

唉… 講住咁多先。唔識睇廣東話嘅,在此致歉…

Oscar

香港人,八十後。中五會考後學人寫網頁、寫文字,記下生活大小事。

更多相關文章 »